निजी सहभागिताबिनै विद्युत बजारको विस्तार असम्भवः विज्ञहरूको निष्कर्ष

माघ ४, काठमाडौं । नेपालमा जलविद्युत क्षेत्रलाई दीर्घकालीन रूपमा मजबुत बनाउने हो भने निजी क्षेत्रलाई उत्पादनमा मात्र सीमित नराखी प्रसारण पूर्वाधार र विद्युत व्यापारमा समेत सक्रिय रूपमा सहभागी गराउनुपर्ने निष्कर्षमा सरोकारवाला पुगेका छन्। स्वतन्त्र ऊर्जा उत्पादकहरूको संस्था नेपाल (इप्पान) को २६औँ स्थापना दिवसको अवसरमा आयोजित कार्यक्रममा वक्ताहरूले सरकार अझै ढिलो नगरी नीतिगत निर्णयमार्फत निजी क्षेत्रका लागि ढोका खोल्नुपर्ने धारणा राखे।