सिन्धुपाल्चोक । यहाँका बलेफी र त्रिपुरासुन्दरी गाउँपालिकाले पालिकास्तरीय पूर्णखोप सुनिश्चितता तथा दिगोपना घोषणा गर्दै खोप कार्यक्रमलाई अझ प्रभावकारी र दिगो बनाउने प्रतिबद्धता व्यक्त गरेका छन्।
बलेफी गाउँपालिकाको स्वास्थ्य शाखाद्वारा आयोजित कार्यक्रममा गाउँपालिका अध्यक्ष गंगा बहादुर तामाङको अध्यक्षता तथा उपाध्यक्ष सरु लामाको प्रमुख आतिथ्यता रहेको थियो। कार्यक्रममा प्रमुख प्रशासकीय अधिकृत होमबहादुर राउत, जनस्वास्थ्य कार्यालयका प्रमुख दुर्गा बजगाईँ, वडा अध्यक्षहरू छबिलाल नेउपाने, रितेश तामाङ र तेजबहादुर पराजुलीलगायतले शुभकामना मन्तव्य व्यक्त गरेका थिए।