केशब नेपाल 

          जेन्जी विद्रोहको उद्देश्य 

              न्यायपूर्ण माग 

              भ्रष्टाचारमुक्त देश 

              सुशानयुक्त काम 

सामाजिक सञ्जाल प्रतिबन्धको अन्त्य 

          यी आफ्ना मागहरु लिएर   

       ती निहत्था जेन्जीहरू

  त्यो शान्तिपूर्ण आन्दोलनमा 

            नारा लगाउँदै 

            गीत गाउँदै 

            नाच्दै र बजाउँदै 

माइती घरबाट बानेश्वर पुग्दा पुग्दै 

     अमेरिकी रणनीतिमा 

     अमेरिकी पूर्व गुरुयोजनामा

        अमेरिकी लगानीमा 

 त्यो शान्तिपूर्ण आन्दोलन 

      हाइज्याक गरियो 

डिस्कोर्डमा सामेल हुनेहरू 

हतियारबद्ध TOB बाइकर्सहरू

कालो नकाबधारी सार्प सुटरहरू 

    नक्कली जेन्जीहरू 

    घुसपैठ गरियो 

    उत्तेजित पारियो 

   मुठभेडमा लगियो 

   भिडन्त सुरु गरियो 

        त्यो  देखेर 

        त्यो बुझेर 

सक्कली जेन्जीहरूले 

      घुस पैठ भो  भन्दै 

आन्दोलन हिंसात्मक हुन्छ भन्दै 

     घर फर्कनु आह्वान गर्दै थे

     तर आन्दोलन भडकियो

    ती कलेज  र स्कुल ड्रेसका 

ती कलिला निहत्था जेनजीहरूको

           टाउको र छातीमा 

            ताकी ताकी 

प्रहरीहरुले अन्धाधुन्दा गोली बर्षाए

           सयौँ सहिद  बने 

           हजारौँ हजार घाइते भए 

          बानेश्वर रणमैदान बन्यो 

          पुरै सडक रगताम्य भो 

         लासहरू सडकमै छरिए 

        घाइतेहरू अस्पतालमा भरिए 

            रगताम्य चुडिएका चप्पलहरू 

            रगताम्य जुत्ताहरू 

    च्यातिएका रगताम्मे लुगाहरू

           सडकमा भेटिए

       तर मान्छेहरू भेटिएनन् 

         टुक्रिएका ईट्टा र ढुङ्गाहरू 

         गोलीका खोकाहरू 

         गोली र बारुदहरू 

सडकभरि छरीबरी  देखिन्थे 

      त्यत्रो ठूलो नरसंहारको 

त्यो भयावह र विभत्स दृश्य

        कति दर्दनाक थ्यो !

कति कहालीलाग्दो थ्यो !!

      कति डरलाग्दो थ्यो!!!

      कति भयङ्कर थ्यो!!!

            सासक तिमीहरु

              कति  क्रुर !

             कति बरबर!!

              कति निर्मम!!!

              कति अमानवीय!!

              कति हृदयहीन !!!

       जेनजीहरूको बगेको  त्यो रगत

           न्यायको लागि 

           स्वतन्त्रताको लागि 

            समानताको लागि 

        नयाँ परिबर्तनको लागि 

जेन्जीहरूको भविष्य र सपनाहरू

               चक्नाचुर पार्ने 

              ती   नरसंहारकारीहरूलाई 

               ती  अपराधीहरूलाई 

               ती  हत्याराहरूलाई 

                दण्डित गर !

                 दण्डित गर!!

                फेरि दण्डित गर!!!

२०८२भाद्र -चैत्र